Día internacional das bibliotecas.

O luns desta semana a vaquiña Carabela e as profes encargadas da biblio contáronnos dous contos para celebrar o día das bibliotecas.
Tamén montaron unha exposición de contos de medo para ir preparándonos para o Samaín .

Carabeliña estaba guapísima!!

Brinquedos.

O xoves fomos os dous segundos (os compañeiros de primeiro irán máis adiante) ao CEIP Mosteiro de Caaveiro de A Capela. No seu centro de interpretación de xogos tradicionais pasamos unhas horas estupendas e intensas, nas que só paramos un ratiño a merendar.

Recibíronnos dous profes e un grupo de nen@s de 2º que foron os monitores dos xogos que fixemos e uns magníficos anfitrións .
Empezamos coa Cadea e Cacerola para ir quentando.
Logo fixemos grupos de 6 e 7 para ir pasando polos outros 6 xogos que había no patio:
a corda, a Mariola, o peón, as chapas, a zorregada co cinto e os zancos.

Teñen moitos máis xogos, pero en cada visita fanse uns poucos.
Como ía mal tempo, tivemos que facelos no patio cuberto en vez de na pista ao aire libre.

Gustounos tanto a visita que nós tamén queremos un patio cheo de xogos!

As nosas cabazas de Samaín.

Durante esta semana fomos traendo as nosas cabaciñas talladas e decoradas para mostrárllelas aos nosos compañeiros.
Puxémolas no pasillo e nas clases.
Gústanvos?

Tamén decoramos o pasillo e as portas das aulas.
Grazas ás mamás e papás que axudaron a tallar as cabazas!

A nós gústanos moito a canción que nos puxo Yoli no blog Tesmoitalingua.

Centro de interpretación de xogos tradicionais.

A vindeira semana imos os dous segundos ao CEIP Mosteiro de Caaveiro ao seu centro de interpretación.
Os xogos tradicionais son unha parte importante do legado cultural dos nosos devanceiros e temos que conservala e respectala.
Algúns dos xogos do video desfrutarémolos alí.

Achégase o Samaín!!

Xa falta pouco e temos que ir buscando unha cabaza( pedirlla a alguén que as cultive ou mercala) para tallala e acendela.
Para ir facendo ambiente podemos aprender estas cancións.

Maiúsculas e punto.

Estamos repasando o uso das maiúsculas e do punto; proba este enlace .

E aquí con SM un montón de xogos para divertirse ademais de repasar.
E estoutro SM tamén está guai!

O horto escolar.

Hoxe comezamos a aventura do horto escolar traballando no invernadoiro municipal.
Empezamos cavando a terra, limpando de pedriñas, alisándoa,etc.
Despois regamos un pouco e comezamos a plantar repolos e leitugas. Sementamos tamén uns porros. Acabamos regando outra vez.
Logo os encargados do invernadoiro, que son moi amables e atentos con nós, regaláronnos uns caraveis.
Ía moita calor e chegamos ao cole algo cansos, pero foi estupendo!

As peras.

Outra deliciosa froita do outono da que tamén podemos desfrutar de moitos xeitos: en cru,en almibar, tartas, etc.

Na nosa bisbarra cultívanse de moitas clases e incluso en Pontedeume adícanlle unhas festas: AS PERAS.

No seguinte video unha pereira ten problemas cun peto que lle tira as súas peras.

Ortografía para 2º.

Para repasar as normas ortográficas que estamos aprendendo.
(clica nas palabras en vermello).

As mazás.

Unha das froitas máis ricas do outono !

Por se queredes coñecer a lenda de Avalón, a terra das mazás, onde as maceiras daban froita todo o ano.